![林師傑爆新約1年只有萬2蚊。](https://n.kinliu.hk/wp-content/uploads/2020/06/WhatsApp-Image-2020-06-24-at-18.41.36-768x576.jpeg)
藝人林師傑早前被指受到老婆歐陽巧瑩政見所累遭無綫冷待,並與無綫提早解約。今日他在社交網發文宣布回復自由身,並且會做獨立歌手,又大爆無綫要求他轉簽「6 show」合約,一年保證有萬二蚊收入,他指與公司傾新約上未能達成共識,故決定離巢,將以獨立歌手身份發展。
林師傑今日在IG中出post:「多謝大家關心,今日終於正式結束同TVB+星夢嘅賓主關係!」他表示加入公司11年來一直出歌無期,大感心灰意冷:「其實唔係唔想出,係冇得出,自己寫埋寫埋至少十幾廿首喺床下底,諗點樣蒙面出歌,諗咗5年,做現實中嘅木偶哥。」
佢又指與公司傾新約上未能達成共識,故決定離巢,將以獨立歌手身份發展:「舊公司向我提出轉簽6 show合約,即意思一年保證有萬二蚊收入,雖然連一個月租金都不夠,但確實有如上天恩賜,我萬二分感激!我今年三十二 有家室,請問如何接受呢份恩賜呢?十一年前參加比賽立志做歌手,十一年後重新出發做獨立歌手,會遲嗎?要老婆陪我一齊捱窮,辛苦你了!」
而歐陽巧瑩亦有發文支持老公,意有所指表示:「由我離開TVB至今,無論私下定公開,一句不是都冇講過,因為我真係唔想再同佢有關係。但今日我想講一句,多謝放生我老公。不過請收返起你哋嘅恩賜,我哋會過得好好!」
圖:IG及互聯網
![林師傑與無綫提早解約。](https://n.kinliu.hk/wp-content/uploads/2020/06/15081215272233.jpg)
![林師傑今日在社交網發文,表示會以獨立歌手身份發展。](https://n.kinliu.hk/wp-content/uploads/2020/06/WhatsApp-Image-2020-06-24-at-18.37.42-1-768x503.jpeg)
![老婆歐陽巧瑩表示支持林師傑的決定。](https://n.kinliu.hk/wp-content/uploads/2020/06/WhatsApp-Image-2020-06-24-at-18.37.43-768x765.jpeg)